[center]السلام عليكم و رحمة الله و بركاته
اشلونكم خواتي عساكم بخير
حبيت أفيدكم بطريقة تعطير بيتي و بصراحة لقيت الريحة تجنن و الحمد لله
بو العيال الله يحفظه لمن يدخل البيت يسأل عن الريحة الحلوة و لله الحمد و طبعا
ما تنسون خواتي الريحة الطيبة مهدئة للنفس
فعلشان جذي حبيت أوريكم طرق تعطير المنزل :
أولا (( البخور و المرشوش )) لتعطير كافة أرجاء المنزل
- أولع الفحم و بعدين أحط بخور أمل الكويت ( ملكي ممتاز ) سعر التولة ب ( 20 دينار ) تقريبا
و أفتر في أرجاء المنزل بالمبخرة و بعدين أحط المبخر وسط الصالة على طاولة مثلا
و بعدين نجيب مرشوش اسمه (( بخور )) أو (( كمبودي )) من عطورات الفودري عجيب و ريحته تهبل
و طبعا أرش فيه على الأثاث و الستاير علشان تثبت الريحة و على الزل طبعا .
الطريقة الثانية : (( فواحة و زيوت عطرية )) لتعطير كافة أرجاء المنزل
من الزيوت العطرية اللي أحبها و تخلي البيت ريحته فواحة زيت عطري اسمه (( ورد الخلطات )) من الشايع
و أحطة بماء يغلي أو ساخن في الفواحة و تحتها نحط شمعة واحدة صغيرة
و أحط الفواحة بوسط المكان المراد تعطيرة و راح تعطرلج البيت بشكل رهيب
يعني ينفع لعزايمج و جمعة أهلج تحطينة و طول الوقت استمتعي بالريحة الطيبة
و الوالدة الله يحفظها دايم تسوي هالطريقة و اللي يجينا من الأهل يسألها عن هالعطر
الحلو ما شاء الله عليها عسى ربي يخليها لنا
ثالثا: (( جهاز تعطير الجو الصغير من airwick )) ريحة الفانيلا و الأوركيد لتعطير غرفة النوم
طبعا جهاز صغير و يوصل بكابل الكهرباء بشكل رئسي و قنينة العطر ممكن تتبدل
أكثر من مرة بس هالعطر ريحتة حلوة و مخليتها لغرفة النوم لأن ريحتة هادية و
حلوة و في بعد برائحة الكرز و الماجنوليا عجيب و ريحته وايد حلوة للغرف إن شاء
الله حطيت صورتة الصحيحة لأنه عندي منه الكبير و ما شفت العلب الصغيرة بس
اهوا لونه وردي فيمكن قلت هذا
[ندعوك للتسجيل في المنتدى أو التعريف بنفسك لمعاينة هذا الرابط]رابعا: (( جهاز معطر يعمل بالوقت airwick )) لتعطير المطبخ و الحمام ، أجلكم الله
[ندعوك للتسجيل في المنتدى أو التعريف بنفسك لمعاينة هذا الرابط]و طبعا الروائح متعددة اللافندر و غيره
أتمنى إني أفدتكم بتجربتي و الموضوع نال إعجابكم و فادكم
إن شاء الله
و لا تنسوني من دعواتكم الصالحة بارك الله فيكم
مع تحياتى :أبو قصى
موضوع: تبين بيتك معطر و ريحته تجنن تعالي بسرعة 
الإثنين يوليو 13, 2009 5:48 pm
