السلام عليكم و رحمة الله و بركاته
بمناسبة اشرافي على الركن و نظرا لكثرة الاسئلة عن طريقة الشعر الكيرلي و
و افضل نوع مكواة سيراميك فحبيت انزل هالصور و الموضوع كله من مجهودي الشخصي
اول شي نبدي بالتمليس جهاز السيراميك هذا احذته من صالون خاص سعره اغلى من السوق بس نوعيته زينة و ماركته ايطالية
طبعا اول شي اذا اكون سابحة احط اول شي من سيريوم خاص قبل التمليس يحمي الشعر افضل نوع هو هذا من لوريال
بعدين اسشور شعري انشفه يعني بالسشوار العادي
بعد ماينشف اقسم الشعر و الم كل جهه ببكلات شعر
وابدي املسه باستخدام جهاز التمليس او مكواة السيراميك
هذي صورة ثانيه
لين مااخلص الشعر كله و يطلع طبعا نفس هالصورة جبتها من النت
ثاني شي الشعر الكيرلي
و الطريقة الاولى سهله خاصتا اللي طبيعة شعرهم كيرلي يسوون هالطريقة تطلع روعة و اعتقد الكل يعرفها ان بعد ماتسبحين تحطين موس الشعر من لوريال افضل شي و تحطين الموس على ايدك و بعدين تحطينه على شعرك و تجعدين فيه بايدك هذا صورة الموس
او الطريقة الثانية بفير انا قبل يومين اخذت سشوار كامل فيه عدة قطع اول شي ناخذ القطعة مالت الفير و نفس الشي نقسم الشعر و ناخذ خصلة خصله و نلفها على الفير و ننتظر ثواني بعدين نشوف ان الخصله صارت كيرلي و روعه
هذا صورة الجهاز كامل
قطعة الفير طبعا اللي مايعرفها هي رقم 2 من جهة اليمين بالصوره نسيت اقول بعد مانخلص من الشعر كله نرش عليه سبراي شعر
وهذا صورة للشعر الكيرلي يطلع جذي تقريبا و كل ماكان الشعر طويل يطلع اجمل
ارجع لسشواري الجديد اعطيكم نبذه عنه لانه وايد عملي و وايد مريح بالشغل
هذي قطعه بعد ماطلعتهم من الكرتون قطعة فير و 2 قطع فرشاة شعر وحده كبيره ووحده صغيره
و باقي القطه سشوار عادي يعني تنشف بس كل وحده حسب نوع الشعر و طوله
وهذا كل الموضوع اتمنى اني افيدكم فيه و طبعا مااحلل اي احد ينقله بدون مايذكر المصدر و منتدى عروس لان الموضوع من تعبي وتجميعي
و بالاخير لا تحرموني من ردودكم الحلوة و اي سؤال انا حاضره
موضوع: بالصور و الخطوات طريقة التمليس و طريقة الشعر الكيرلي مع صور الاجهزة 
السبت يوليو 18, 2009 12:25 am
