منتديات البراء
أهلا وسهلا فيك نحنا ننتضر تسجيلك وأنضممامك مع منتديات البراء
تشـــــــرفنا



 
البوابةالرئيسيةس .و .جبحـثالأعضاءالمجموعاتالتسجيلدخول

شاطر | 
 

 العناية الاساسية بالشعر (ارشادات و نصائح خاصة جدا) ......................

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشق تراب فلسطين
Admin
avatar

عدد المساهمات : 957
تاريخ التسجيل : 10/07/2009
العمر : 24
الموقع الجغرافى : فلسطين _غزة_الشمال ^_^

الأوسمة
 :
اوسمه (مدير عام هنا)



مُساهمةموضوع: العناية الاساسية بالشعر (ارشادات و نصائح خاصة جدا) ......................   السبت يوليو 18, 2009 1:10 am

السلام عليكم يا بنات




انا قررت انزلكم الموضوع دى لانى للاسف شوفت بنات كتير جدا لسة محتارين ازاى يتعاملوا مع شعرهم و دى طبعا حاجة بضايقنى جدا

اولا: لان المنتدى مليان بالمواضيع الكتيرةو تجارب الاعضاء الشخصية و لكن لاسف لسة شايفة كتير من البنات محتارين و بيتعملوا مع شعرهم بطريقة غلط
ثانيا: و لانى من زمان جدا كنت زيكم كدة بالظبط بحب اهتم بشعرى اوى بس مش عارفة امشى على جدول معين او مش عارفة المفروض اجيب اية و مش اجيب اية و احط اية امتى و الكلام دى لحد ما ربنا كرمنى بجد و خدت كورس مع خبيرة المثيوثرابى دينا الجارم و الكورس دى الى خلانى بجد افهم انا المفروض امشى ازاى مع شعرى و استريحت الحمد للة بجد حسيت اكنى كنت ضالة الطريق بجد و وجدت الطريق فى الاخر الصح






المهم فى الموضوع دى هنقسمة لجزئين


الجزء الاول انا هتكلم عن الحاجات الى المفروض تكون عندك او تشتريها



الجزء التانى عن وقت و كيفية استخدامها و كلامى عموما هيبقى عن انواع الشعر كلها و لو فى استسنئات هقولكم طبعا




اولا الحاجات الى لازم تكون متوفرة عندك كعناية اساسية بشعرك




1- شامبو ماركة نضيفة حسب نوع شعرك


2- بلسم ماركة نضيفة برضو ( فى فى ماركات معينة حسب نوع شعرك)


3- بلسم الى بيفضل جوة الشعر


4- حمام كريم نصيف


5- ليسيون كويس من الصيديلة ومن عند دينا الجارم لانة معمول من الزيوت العطرية


6- حنة كويسة نضيفة


7- خلطة زيوت خاصة بيكى او زيت واحد انتى مرتاحة علية


8- ماسك لشعرك طبيعيى لمدة ساعة اكتر حاجة ( من مكونات طبيعية موجودة عندك فى البيت)


9- مشط خشب : دى اساسى و ياريت تنسى خالص انك تسرحى شعرك بمشط او فرش عادية






ثانيا: التوقيت و كيفية الاستخدام




1- الشامبو




الوقت: على حسب نوع شعرك يعنى ممكن مراتان للشعر الجاف اوى


و ممكن 3 او اربع مرات للشعر الدهنى او حتى ممكن عادى


تغسلى شعركل يوم بس بشامبو مخصص للغسيل اليومى فقط


و ممكن لو عايزة تقللى من غسل شعرك يوميا لو دهنى لو مش مترحة


زيت او خلطة بس مجرد انك بتغسلى عادى ممكن تغسلى بمياة بس


اوبمياة الورد هتخلى شعرك رحيتة حلوة اوى و تستعملى بلسم عادى بعدية




كيفية الاستخدام: لازم يكون شعرك مبلول اولا و بعد كدة تخدى جزء اد كورة ضغيرة و تفركيها فى ايديك الاول و بعد كدة تبداى تحطى فى شعرك و تعملى مساج بسيط جدا




ملحوظة : لو حطة فى شعرك زيت او خلطة خلى الاول الخلطة تنزل بالمياة بس و بعد كدة استخدمى الشامبو لاكن مش تحطى الشامبو مباشرة و انتى حطة زيت او خلطة على شعرك و غالبا مرة واحدة بتكون كفاية الى لومش حطة على شعرك زيت او خلطة صعب طلوعة من الشعر




2- البلسم :




الوقت: بتحطى بعد كل مرة تغسلى فيها شعرك






كيفية الاستخدام: بتحطى لى حسب المدة الى مكتوبة على العلبة و لو مش مكتوب حاجة دقيقةاو دقيقتين كافيين جدا






ملاحظة مهمة جدا: البلسم بيتحط على نص الشعر لحد اخرة و مش على الفروة يعنى من اول مكان التوكة لو بتعمل ذيل حصان لحد اخر شعرك و ياجماعة البلسم بالطريقة دى مش هيوقع شعرك خالص و هتستفيدى من ميزاتة هينعم شعرك و يحمية من انة تقصف و يبقى بعد كدة اسهل فى تسريحة




3- البلسم الى بيفضل جوة الشعر: ( للشعر الجاف فقط او الشعر الطويل)




Leave in conditioner




الوقت: بتحطى بعد ما تستحمى عادى جدا





كيفية الاستخدام: بتحطى عادى بنفس طريقة البلسم العادى من نصف الشعر لاخرة و تسبيى عادى مش بيتشطف اكنك بتحطى كريم تصفيف عادى على شعرك






ملاحظة مهمة: البلسم الى بيفضل جوة الشعر فقط لاصحاب الشعر الجاف او لاصحاب الشعر الطويل لان الشعر الطويل مش بيقدر يوصلة الزيوت الى بيفرزها الشعر الطبيعية الى بتحمى فعشان كدة بيبقى ضعيف و بسرعة بيقصف فا لو حتى شعرك دهنى و طويل استخدمية بس مش على الفروة زى ما قولت




4- حمام الكريم:


الوقت: مرة فى الاسبوع فقط او مرتين لو شعرك جاف ( لاننا بنستعمل البلسم علطول فا مش هتحسى انك محتاجة اوى)






كيفية الاستخدام: بعد ما تخلصى غسيل شعرك عادى بالشامبو و البلسم بتحطى على كل شعرك عادى و تسيبى المدة الى مكتوبة على العلبة و ارجوكم يا بنات التزموا بالمدة المحددة يعنى لو مكتوب 10 دقائق لو حطتيى نصف ساعة مش هيخلى شعرك سايح مثلا هيوقعلك شعرك بس و لو تقدرى تلفى شعرك بفوطة سخنة او تطلعى برة بعد الاستحمام تعدى تحت البخار او يكفيك بخار الحمام و انتى بتستحمى يعنى اى طريقة من دول كويسة


شوفو حمام الكريم دى فظيع بجد فى موضوعى


[ندعوك للتسجيل في المنتدى أو التعريف بنفسك لمعاينة هذا الرابط]






5- الليسيون:

اتكلمت عنة كتير قبل كدة و هو بجد اروع اختراع للشعر لان استخدامة يومى و خفيف و نتائجة هايلة بجد


الوقت: يوميا مرة واحدة بس بليل مع مساج خفيف جدا او ضربات خفيفة جدا على الراس






كيفية الاستخدام: الكمية الى انتى محتاجها بسيطة اوى يعنى بلى صوابعك العشرة باليسيون و ابداى بالمساج لمدة دقيقة دقيقتين بس ( شوفت ناس بتقول لمدة ربع ولا نصف ساعة بس دى تهريج للاسف )


شوفى موضوعى دى اتكلمت فى عن اليسيون بالتفصيل


[ندعوك للتسجيل في المنتدى أو التعريف بنفسك لمعاينة هذا الرابط]




6-الحنة :


الوقت: مرة اسبوعيا فقط ( تبقى هايلة بجد)





كيفية الاستخدام: مش محتاجة شرح بس شوفى موضوعى دى لو مش عارفة الطريقة الصح


[ندعوك للتسجيل في المنتدى أو التعريف بنفسك لمعاينة هذا الرابط]





ملاحظة مهمة: اعملى طريقة الحنة للتغذية مرة واحدة فى الشهر فقط لكن الحنة للون عادى تقدرى تستخدميها كل اسبوع




7- خلطة زيوت خاصة بيكى او زيت واحد انتى مرتاحة علية




الوقت: تستخدمى خلطة زيوتك او زيتك المفضل يوم اه و يوم لا بليل قبل النوم بعد استخدامك لليسيون تستنى شوية ساعة مثلا و بعد كدة ابداى حطى زيتك




كيفية الاتستخدام: لو خلطة زيوتك دى بتهدف لتنمية و تطويل الشعر يبقى حطيها على الفروة


لكن لو لمجرد ترطيب و تنعيم الشعر حطيها على نصف الشعر لاخرة فقط


و بعد كدة ممكن تلفى شعرك بورق السلاطة دى و بعد كدة البسى فوقة بونية بلاستك




ملاحظة مهمة جدا: احسن ان الزيت يكون دافى عشان يفيد الشعر بطريقة كويسة الزيوت الباردة مش مثالية خالص بس تدفئتة بطرق معينة مش على النار لا على البخار او حمام مائى و لو مكسلة تعملى الحوار دى بعد ما تحطى الزيت لاما تعدى تحت البخار بشعرك كدة عادى قبل البونية او اى حاجة لمدة 10 دقائق بس لاما بعد ما تلبسى البونية وورق السلاطة دى تجيبى اى سشور و تشغلى على البونية مش على شعرك مباشرة كدة غلط خاص بس لمدة ربع ساعة كدة بس و تنامى و لما تصحى تستحمى و تغسلى شعرك يعنى حوالى اربع او تلات فى الاسبوع فقط لا غير




8- ماسك لشعرك طبيعيى ( من مكونات طبيعية موجودة عندك فى البيت)




الوقت: الماسك بيتحط ساعة ساعتين بالكتير اوى مرة واحدة فى الاسبوع( يفضل فى اليوم الى مش هتحطى فى زيت فى شعرك)






كيفية الاستخدام:عادى اخلطى المكونات و قسمى شعرك و ابداى جزء جزء لحد ما تخلصى شعرك كلة و لفى شعرك بعد كد بورق السلاطة و بعد كدة بونية و استخدمى طريقة السشوار او البخار بس فى حالة البخار هتكونى بس حطة الخلطة على شعرك يعنى قبل ما تبسى البونية و كدة تعدى تحت لبخار 10 دقائق بس و بعد كدة اغسلى شعرك كويس




ملاحظة : فى ناس بتغسل شعرها بمياة بس و فى ناس بالشامبو بس انا شايفة على حسب خلطتك يعنى لو تقدرى تشيلها بالمية بس يكون كويس لاكن لو الخلطة مثلا فيها نخاع لازم شامبو


( بانسبة ليا دايما اعمل ماسك النخاع مع عسل و زيت مخصوص او ساعات اى زيت )


لو عايزة طريقتة شوفى موضوعى عن النخاع


[ندعوك للتسجيل في المنتدى أو التعريف بنفسك لمعاينة هذا الرابط]




9- مشط خشب :

دى اساسى و ياريت تنسى خالص انك تسرحى شعرك بمشط او فرش عادية




الوقت: احسن وقت لتسريح الشعر :




1- قبل الاستحمام لفك اى عقد فى و خصوصا لو طويل





2- قبل النوم لازالة اى اتربة و فك العقد ( لان يا بنات العقد لاما بتكبر بجد ممكن تعملك مشاكل انا اعرف واحدة صاحبة اختى كان شعرها طويل جدا لاخر الظهر و تقيل جدا بس جاف اوى فضلت مش تسرحة كذا مرة لحد ما عمل عقد جامدة جدا مكنش ليها حل غير انها تقص شعرها و فعلا قصتة كلة لحد رقبتها تقريبا تخيلو الكارثة )


فا لو واحدة شعرها طويل من فضلك واظبى على تسريحة تفاديا للمشاكل




3- بعد الاستحمام لام شعرك ينشف ( حطوا تحتها ميت خط) محدش ابدا ابدا يسرح شعرة و هو مبلول




كيفية الاستخدام: عادى مش محتاجة شرح بس فى نقاط مهمة اوى






اولا لازم تكونى مش مستعجلة لانك لو مستعجلى هتقطعى شعرك بجد يعنى اهدى كدة و اعدى و خليك صبورة




ثانيا لو شعرك جاف اوى من تحت او فى عقد حطى زيت او كريم حاجة بسيطة اوى بس عشان تساعدك و مش شعرك يتقطع فى زى سبراى كدة بيبقى ممول للاطفال لفك تشابك الشعر دى بجد ممتاز و تقدرى تجيبى و هو موجود فى اوريفلام كمان




ثالثا: ابدائى طبعا قسمى شعرك نصفين او اكتر و ابداى براحة خالص من تحت الاطراف براحة خالص لفوق حبة حبة






بس كدة انا كدة ادتلكوا الخطوط العريضة الى تمشوا عليها و دى يعتبر جدولى الاساسى للعناية بشعرى لكل الى سئلونى انا اية جدولى




و عايزة اقول نصيحة لكل بنت: العناية المستمرة بالشعر هى الى بتجيب نتيجة هايلة لاكن مش الزيوت السحرية يعنى جدول بسيط بس استمرى علية طول عمرك, عمرك ما هتلاقى مشاكل ابدا فى شعرك و هتلاقى شعرك بجد فى احسن ما يمكن و صحى و طويل و بيلمع فا بلاش ارجوكم الجرى الاعمى وراء منتج بيطول الشعر فى شهر او حتى اتنين مفيش الكلام دى الى بيطول الشعر هو برنامج كامل التزمتى بى طول حياتك و نظام صحى سليم سؤاء فى اكلك او فى حياتك اليومية عامة







و يارب تكونوا اتعلمتوا منى اى حاجة كويسة


و ياريت تدعولى بجد و تقيموا موضوعى لو عجبكم

و اشوفكم على خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elbraa-forums.yoo7.com
الطير الحزين
عضو نشيط
عضو نشيط


عدد المساهمات : 164
تاريخ التسجيل : 13/07/2009
العمر : 28
الموقع الجغرافى : star.20101990@hotmail.com

مُساهمةموضوع: رد: العناية الاساسية بالشعر (ارشادات و نصائح خاصة جدا) ......................   الأحد يوليو 19, 2009 4:14 am

مشكور اخى على الموضوع الرائع


وان شاء الله يعجب الجميع


وتمنياتنا بالتقدم والنجاح


ويعطيك الف عافية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
REaL LOvE
Admin
avatar

عدد المساهمات : 578
تاريخ التسجيل : 13/07/2009

مُساهمةموضوع: رد: العناية الاساسية بالشعر (ارشادات و نصائح خاصة جدا) ......................   الأربعاء يوليو 22, 2009 1:24 am

مشكور على الطبخة الرائعة



وتمنياتنا بالتقدم


ويعطيك الف عافية


وان شاء الله تعجب الجميع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشق تراب فلسطين
Admin
avatar

عدد المساهمات : 957
تاريخ التسجيل : 10/07/2009
العمر : 24
الموقع الجغرافى : فلسطين _غزة_الشمال ^_^

الأوسمة
 :
اوسمه (مدير عام هنا)



مُساهمةموضوع: رد: العناية الاساسية بالشعر (ارشادات و نصائح خاصة جدا) ......................   الخميس أغسطس 13, 2009 12:17 am




والله يعافيكم

_________________
***********توقيعى *******


توقيع أبو قصى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elbraa-forums.yoo7.com
 
العناية الاساسية بالشعر (ارشادات و نصائح خاصة جدا) ......................
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات البراء :: أركان الجمال :: ركن العناية بالشعر-
انتقل الى: